22. JÚNÍ
LÍF Í HAUKADALSSKÓGI

Land og skógur býður alla velkomna í hinn fallega Haukadalsskóg. 
Haukadalsskógur er einn stærsti þjóðskógur Suðurlands og sá sem mest hefur verið gróðursett í af þjóðskógum Íslands.

Aðstaða til útivistar er góð. Meðal annars er sérhannaður stígur fyrir hjólastóla í skóginum sem unninn hefur verið í góðri samvinnu við Sjálfsbjörgu á Suðurlandi.

Útbúinn verður ratleikur um skóginn og að sjálfsögðu boðið upp á rjúkandi ketilkaffi. Tilvalið tækifæri til að kynnast skóginum betur og því fróða fólki sem sinnir honum. 

Velkomin út í skóg!