Þann 22. júní verður Skógræktarfélag Borgarfjarðar og Ferðafélag Borgarfjarðahrepps með vinnu- og skemmtunadag í Reykholtsskógi.  

Unnið verður í lagfæringu og viðbætum gönguleiða, einnig verður haldin drumbakastkeppni og kennsla í trjáplöntun.

Kaffi og léttar veitingar verða í boði.

​

Eins og víðast hvar á Íslandi var Reykholt orðið skóglaust þegar kom fram á 20. öld. Endurheimt skógar í Reykholti hófst á 4. áratugnum þegar Þorgils Guðmundsson, kennari við Reykholtsskóla, hóf að fara með skólabörn í gróðursetningu. Skógræktarfélag Borgarfjarðar hefur svo lyft grettistaki á svæðinu en nú er að vaxa upp myndarlegur skógur langleiðina upp á Skáneyjarbungu norðan Reykholts. 

​

Allir hjartanlega velkomnir!

 

​

​